Në Lezhë, Tiranë e së fundmi në Lushnje dhe në Berat janë aktivizuar zjarre shumë të forta që kanë dëmtuar pemtore, por edhe pyje.
Zjarri më i fundit është shfaqur pranë qytetit të Lushnjes, në zonën pranë varrezave publike.
Më të dëmtuar nga zjarri janë pemë frutore të mbjella në anë të përroit, në një sipërfaqe prej 5 hektarësh.
Era favorizoi zjarrin, ndërsa policia nuk përjashton mundësinë e një zjarrvënieje të qëllimshme.
Ndërsa në Berat zjarri ka përfshirë plantacionin me ullinj në fshatin Velabisht. Megjithë ndërhyrjen e zjarrfikësve, zjarri ka shkrumbuar dhjetra rrënjë ullinj.
Nuk është hera e parë që vetë fermerët bëhen shkaktarë të zjarreve, ndërsa pastrojnë shkurret rreth pemëve me ullinj.
