Në Lushnje, 60 avokatët vendosën pelerinat e zeza në kangjellat e gjykatës dhe kërkojnë që vrasja e kolegut të tyre Ravik Gurra të zbardhet sa më shpejt nga shteti.
Ndërsa kryetari i Dhomës së Avokatisë së Beratit, Agron Mahmutaj tha se me vrasjen e Ravik Gurrës është në rrezik institucioni i avokatit dhe të gjithë ndihen të kërcënuar për jetën e tyre.
Bojkoti i seancave gjyqësore në shenjë proteste për vrasjen e kolegut të tyre nisi të hënën nga Dhoma e Avokatisë së Elbasanit, të cilët për një javë nuk do të marrin pjesë në seancat gjyqësore.
Me këtë bojkot u bashkuan edhe avokatët e Korçës.
