Kryeministria ka nisur të rrethohet pasditen e sotme me hekura mbrojtëse, një ditë para protestës së opozitës.
Sikundër duket edhe nga fotot, sistemi i mbrojtjes është i njëjti i përdorur me atë të protestës së 16 marsit.
E gjithë pjesa ballore e godinës së kreut të qeverisë është rrethuar me skela hekuri. Kujtojmë që protesta e nesërme është planifikuar të mbahet para godinës së Kuvendit, ndërkohë që zhvillohet seanca.
Megjithatë, protestuesit mund të zhvendosen nga Kryeministria në drejtim të godinës së Kuvendit. Kjo është protesta e shtatë e opozitës që prej djegies së mandateve parlamentare nga PD dhe LSI.