Prej dy ditësh një pjesë e bjeshkëve të Hasit janë përfshirë nga zjarri, ndërsa zona më rrezikuar është në fshatin Gjinaj.
Zjarri ka përfshirë një hapësirë të madhe, por zjarrfikëset e Bashkisë Has dhe banorët e zonës janë në terren për të vënë në kontroll flakët.
Ndërhyrja është e vështirë për shkak edhe të terrenit të papërshtatshëm dhe erërave të forta që favorizojnë përhapjen e flakëve.
Në vendngjarje janë edhe uniformat blu për verifikimin e shkaqeve ndërkohë që dyshimet e para janë që zjarri është shkaktuar qëllimshëm nga persona të papërgjegjshëm.
Ky është rasti i dytë i rënies ë zjarrit në këtë zonë pasi një ditë më parë u bë e mundur shuarja e zjarreve të cilat janë aktivizuar gjatë orëve të fundit.