Deputetët e “opozitës së re”, që për ironi të fatit është edhe ajo që përfaqëson tashmë popullin në Kuvend, kanë diskutuar mes veti në seancën e sotme për çështjen mësipërme.
Kështu nga diskutimi, rezulton se pretendente për të drejtuar Grupin Parlamentar të PD-së është Rudina Hajdari, e cila po ecën kështu në gjurmët e babait të saj, heroit të demokracisë Azem Hajdari që ka qenë nga figurat më të larta të selisë blu.
Ndërkohë nga radhët e LSI, ish-ministri i Mjedisit Lefter Koka ka propozuar që të jetë një femër kryetarja e Grupit. Duke vlerësuar propozimin e Tavos, deputeti Enver Rroshi ka propozuar Ediola Brahon që zëvendësoi Vangjel Tavon në qarkun e Gjirokastrës për kryetare grupi.
Ajo c’ka bie në sy deri më tani në seancë, është një ndryshim i trendit të deputetëve, mes forcave politike të opozitës, ku LSI numëron më shumë deputetë se PD. Me betimin e Alimadhit dhe Elezit ditën e sotme, deputetët dezertorë të PD janë 7 ndërsa deputetët e LSI janë 12 në pritje të Ambra Borovës me të cilën shkojnë 13.
Gjithashtu mbetet për t’u parë se çfarë emrash do mbajnë dy Grupet Parlamentare, pasi PD dhe LSI i kanë përjashtuar “tradhtarët” e tyre.
DEPUTETËT E RINJ NGA PD:
Myslim Murrizi
Rudina Hajdari
Ligoraq Karamelo
Alban Zeneli
Majlinda Halilaj
Lefter Maliqi
Arben Elezi
Adriatik Alimadhi
LSI:
Lefter Koka
Enda Koçiraj
Nimet Musai
Ralf Gjoni
Ylli Shehi
Aurora Mara
Erdiola Braha
Edlira Hyseni
Enver Roshi
Edmond Rrushi
Elda Hoti
