Edhe pse muaj më parë deklaroi se do të marrë pjesë në zgjedhje qoftë edhe si force e vetme opozitare, aktualiteti politik i krijuar pas djegieve të mandatave ka ndikuar në qëndrimin e Partisë Agrare Ambientaliste.
Agron Duka, thotë se ne 30 qershor nuk do të ketë zgjedhje, ndërsa sipas tij zgjidhe për ngërçin polik është vetëm largimi i Ramës.
"Në këto kushte zgjidhja e kësaj krize kërkohet tek mazhoranca dhe tek një individ, Edi Rama. Kërkesa e vazhdueshme është se nuk mund të shkojmë në zgjedhje parlamentare apo lokale me Edi Ramën kryeministër."
Duka, sqaron deklaratat ku u vetëofrua si kandidat për bashkinë e Durrësit kundër Partisë Socialiste.
"Nuk është ndonjë dëshirë të cilën unë e aspiroj personalisht por nëse më kërkohet mund të bëj sakrificë, por kjo është temë jashtë realitetit. Tema kryesore është:Do ketë zgjedhje normale, do hyhet në zgjedhjet e qershorit me Edi Ramën? Unë them jo."
Kreu i Partisë Agrare Ambjentaliste, thot se opozita është e vendosur të vijoi protestat për largimin e Ramës, ndërsa sipas tij gjendjen e vështirë që që po kalon vendi e pasqyron edhe departamenti Amerikan i Shtetit.
