Moti ditën e sotme në Shqipëri do të jetë i kthjellët me vranësira të pakta në orët e mëngjesit dhe prej orëve të mesditës pritet shtim vranësirash të dendura në të gjithë territorin.
Shërbimi Meteorologjik Ushtarak bën të ditur se duke nisur nga orët e mesditës do të ketë reshje shiu të herëpashershme me intensitet të ulët që prekin pjesën më të madhe të qarqeve. Në orët e mesditës reshjet do të jenë me intensitet deri mesatar në formën e shtrëngatave në pjesën jugore.
Era do të fryjë me drejtim Juglindje-Jugperëndim me shpejtësi 1-12 m/sek.
Temperatura minimale do të sillen nga 4 gradë celsius, ndërsa maksimalet e ditës në 23 gradë celsius.
