Gjykata për Krime të Rënda ka dënuar me 35 vite burg Namik Velajn, i cili vrau bashkëshorten dy vite më parë dhe u përpoq të fshihte krimin.
Ndërsa mjeku Ilir Tanku, i cili punonte si mjek i qendrës shëndetësore të qytetit, i cili u shpall fajtor për "Shpërdorim detyre" u dënua me 2 vite burg, por gjykata pezulloi dënimin dhe do të shlyhet me 4 vite shërbim prove.
Sipas prokurorisë, Velaj ka vrarë bashkëshorten e tij në banesën e tyre, duke i bllokuar rrugët e frymëmarrjes, ndërsa krimi është zbuluar një vit pas ngjarjes.
