Ish-kreu i grupit parlamentar i LSI-së, Petrit Vasili, përmes një postimi në facebook, tregon fundin e Ramës. Duke qenë se dje kreu i qeverisë, Edi Rama tha se do të bëhet si Musolini, Vasili i tregon fundin që pati diktatori fashist i Italisë.
”Historia e Musolinit ka edhe një fund, pikërisht në Piazzale Loreto ne Milano, ku së bashku me Clareta Petaccin e varen me kokë poshtë. Le ta shohë foton e Musolinit kokëposhtë e me litar në qafë dhe le të mendohet pakëz”,-shkruan Vasili.
Postimi i plotë
Edi Rama di fillimin por po i kujtojme dhe fundin. Nga Librazhdi Edi Rama deklaroi se do bëhet si Musolini dhe do shkrijë parti e do bëjë hatane si ai. Edi Rama na tregoi se ja di fillimin historise. Por historia e Musolinit ka edhe një fund, pikërisht në Piazzale Loreto ne Milano, ku së bashku me Clareta Petaccin e varen me kokë poshtë. Le ta shohë foton e Musolinit kokëposhtë e me litar në qafë dhe le të mendohet pakëz.
