Shkolla e re në Kodër-Kamëz. Bashkia e Tiranës: Toka, pronë shtetërore - Bota Sot
Shkolla e re në Kodër-Kamëz. Bashkia e Tiranës: Toka, pronë shtetërore

Shqipëria

Shkolla e re në Kodër-Kamëz. Bashkia e Tiranës: Toka, pronë shtetërore

Më: 5 prill 2019 Në ora: 20:30
Arbjan Mazniku

Nënkryetari i Bashkisë së Tiranës, Arbjan Mazniku, i është përgjigjur akuzave të rektorit të Univeristetit Bujqësor të Kamzës gjatë një takimi me studentë atje.

Sipas tij, për të plotësuar nevojat e arsimit në këtë zonë do të ndërtohet një shkollë: “Kjo është hapësira në të cilën do të ndërtohet një ndër 17 shkollat e reja të qytetit. Toka në fjalë e ka pasur statusin privat prej shumë vitesh. Bashkia e Tiranës, që në vitin 2018, nëpërmjet një vendimi të Këshillit të Ministrave, ka bërë shpronësimin e kësaj toke, rreth 9 mijë metra, të cilat do të përdoren për shkollën e re. Këto 9 mijë metra tokë sot janë me status në pronësi të Bashkisë së Tiranës”.

Mazniku sqaroi se kërkesa për ndërtimin e shkollës ka qenë e vetë banorëve. Ndërkohë që për fermën eksperimentale në funksion të Universitetit Bujqësor, u shpreh se do të jetë në Valias: “Gjithashtu, është e rëndësishme të theksojmë se para pak kohësh qeveria i ka akorduar Universitetit Bujqësor, si pjesë e Paktit për Universitetin, më shumë se 1 milion euro për fermën eksperimentale në Valias: një hapësirë shumë e madhe, prej pothuajse 100 hektarësh, ku funksionet e mirëfillta mësimore mund të ndodhin atje. Ndaj, ky projekt së pari i sjell një shkollë shumë të dobishme komunitetit, shumë të nevojshme për këtë zonë, që nuk e ka një shkollë të tillë, dhe nuk cenon në asnjë moment, dhe në asnjë rrethanë funksionet thelbësore të universitetit”.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...