Rudina Hajdari: Gati të ndërmjetësoj një tryezë politike - Bota Sot
Rudina Hajdari: Gati të ndërmjetësoj një tryezë politike

Shqipëria

Rudina Hajdari: Gati të ndërmjetësoj një tryezë politike

Më: 9 prill 2019 Në ora: 00:11
Rudina Hajdari

Sa i përket të ardhmes së opozitës së re, e ftuar në “Open” Rudina Hajdari tha se nuk ka aspak për qëllim që të vihet në krye të grupit të ri parlamentar.

Ajo shkoi më tej, duke u vetofruar për të bërë rolin e ndërmjetëses dhe për të ulur palët politike në një tryezë, për të negociuar tejkalimin e ngërçit.

“Ajo që propozoj unë është të fillohet nga partitë politike, të demokratizohen fillimisht ato, pasi nuk mund t’i kërkohet popullit të flitet për demokraci, ndërkohë që disa palë nuk pranojnë uljen për dialog në një tryezë”, tha Hajdari.

E pyetur nga Anila Basha, nëse nga nesër do të organizohet një tryezë politike dialogu, a do të kishte një ulëse në emër të Rudina Hajdarit mes atyre të palëve të tjera politike në Shqipëri, deputetja opozitare u përgjigj:

“Po sigurisht që do ketë edhe një vend për mua, sepse unë po i ftoj ata të ulen për dialog. Ata nuk duan të ulen, unë po i ftoj”, tha Rudina Hajdari.

Rudina Hajdari bëri një koment edhe në lidhje me ish-liderin historik të Partisë Demokratike. Pasi i risollën në vëmendje një deklaratë të ish-udhëheqësit të Partisë Demokratike, Sali Berisha, i cili nga e njëjta studio emisioni e kishte quajtur Rudina Hajdarin “e bija e babait”, teksa shtonte se ashtu si Azem Hajdari nuk ishte gjithmonë mbështetës i tij, edhe e bija fliste hapur dhe e pavarur nga askush, Rudina e quajti një kompliment.

“E kam thënë edhe më herët, është një kompliment për mua dhe unë do të vazhdoj të qëndroj me të njëjtën sjellje politike. Sali Berisha është një figurë simbolike e PD-së, por kam marrë gjërat më të mira prej tij, duke mos komunikuar shpesh me të kohët e fundit”, tha Rudina Hajdari.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...