Pak më parë, trupi i viktimës Admir Murataj u identifikua nga gruaja dhe vëllai i tij si pjestar i grabitjes së 10 milionë eurove dje në aeroportin e Rinasit. Përpara se Murataj të arratisej nga burgu në Greqi, ai kishte një vilë njëkatëshe në Prezë, në të cilën policia ndërhyri në kërkimet e saj për të. Në këto foto, kanë dalë pamjet nga vila e Murataj, e cila është e rrethuar me kamera sigurie dhe hekura.
Ndërkaq, me paratë nga grabitjet, mësohet se viktima kishte ndërtuar një vilë luksoze në Fushë-Pezë dhe një servis në Vorë.
Dyshohet se shtëpia e tij në Pezë, që është e fortifikuar në ndërtim dhe e ruajtur me sistem alarmi e kamera sigurie, ka shërbyer si bazë për planifikimin e grabitjeve.
Vila është në një lartësi të konsiderueshme dhe ka një fushëpamje shumë të mirë të zonës përreth, nga ku mendohet së është vëzhguar grabitja nga larg.