Ministrja e Infrastrukturës dhe Energjetikës Belinda Balluku paralajmëroi se qeveria është e gatshme t’i ndërpresë koncesionin aeroportit të Rinasit nëse nuk merr masat që i kërkohet.
E ftuar në emisionin “Opinion” në Tv Klan, Balluku u shpreh se grabitja e bujshme e në pistën e aeroportit, cënoi sigurinë kombëtare dhe dëmtoi imazhin e Shqipërisë në botë.
“Jemi të gatshëm të ndërpresim koncesionin sepse është cënuar siguria kombëtare. Zgjidhet me gjykatë dëmtimi i imazhit dhe kërcënimi i sigurisë. Jemi të gatshëm të ndërpresim kontratën nëse aeroporti i Rinasit nuk përgjigjet”.