Biznesmeni Çausholli përdori ministren e Financave për të shantazhuar mediat - Bota Sot
Biznesmeni Çausholli përdori ministren e Financave për të shantazhuar mediat

Shqipëria

Biznesmeni Çausholli përdori ministren e Financave për të shantazhuar mediat

Më: 17 prill 2019 Në ora: 21:19
Foto

Top Story u fokusua te përmbajtja e letrës që Çausholli i ka dërguar Ministrisë së Financave dhe konfliktin që tentoi të krijonte.

Letra e dërguar në Ministrinë e Financave ka përmbajtje denigruese, fyese dhe shantazhuese ndaj pronarit të televizionit Ora News, zotit Ylli Ndroqi.

“Unë mendoj që është sulm për t’u mbrojtur nga kompania e tij, i cili në bashkëpunim me persona të tjerë ka dashur të sulmojë apo të godasë Ora News apo Channel One”, tha Vasilika Hysi, avokate e Ylli Ndroqit.

Në letrën që mbante emrin e autorit të emisionit Top Story thuhej se kishte punuar me zotin Ndroqi dhe se kishte dijeni se pronari i Ora News pastronte rreth 1.2 milionë euro në vit nëpërmjet disa kompanive.

Pra, nëpërmjet kësaj letre, Çausholli kishte ndezur një konflikt mes Top Channel dhe Ora News, duke përdorur emrin e një gazetari.

“Personat që e ideojnë një skenar të tillë nuk synojnë vetëm dëmtimin e një individi brenda gazetarisë, por kërkojnë të godasin imazhin dhe gjithë misionin e mediave në përgjithësi, por ky rast e çdo rast tjetër, kur them tjetër edhe raste më të vogla se na kanë ardhur denoncime të ndryshme”, tha Aleksandër Çipa, Unioni i Gazetarëve.

Ky lloj intimidimi duket se është kthyer në fenomen për gazetarët. Nëse nuk do të ishte zbuluar nga autoritetet, konflikti mes dy televizioneve do të përshkallëzohej.

Qëllimi i letrës së Nadir Çaushollit ishte që të vinte në lëvizje Ministrinë e Financave, që drejtohet nga Anila Denaj. Nëpërmjet letrës, biznesmeni Ndroqi akuzohej për evazion fiskal dhe qëllimi ishte që ndaj tij të niste një hetim tatimor.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...