Aksident në Tomorr, vdes babai i tre fëmijëve - Bota Sot
Aksident në Tomorr, vdes babai i tre fëmijëve

Shqipëria

Aksident në Tomorr, vdes babai i tre fëmijëve

Më: 21 prill 2019 Në ora: 12:22
Pamje nga aksidenti

Aksident në zonën e nxjerrjes së pllakave të grurit në Malin e Tomorrit, humb jetën shoferi 36-vjeçar Besnik Kanani. Edhe pse pa licenca firmat e nxjerrjes së gurit në Malin e Tomorrit vijojnë punën.

Një aksident i rëndë ka ndodhur sot në Malin e Tomorrit, pikërisht në zonën e shpatit të malit, ku ndodhen edhe karrierat e gurit dekorativ. Shoferi i një prej firmave të nxjerrjes së gurit dekorativ ka humbur kontrollin e mjetit dhe është rrëzuar me kamionin që ishte i ngarkuar me pllaka guri.

Si pasojë e aksidentit,36-vjeçari Besnik Sali Kanani, ka humbur jetën. Viktima 36-vjeç Besnik Kanani jetonte në fshatin Fushë-Peshtan të Poliçanit dhe ishte babai i 3 fëmijëve. Ai punonte prej vitesh si shofer kamioni në firmat e nxjerrjes dhe përpunimit të pllakave e gurit dekorativ në Malin e Tomorrit.

Edhe pse prej gati një vitit Ministria e Mjedisit ka revokuar të gjitha licencat dhe ka pezulluar punën e firmave të nxjerrjes së gurit dekorativ në Malin e Tomorrit, firmat vijojnë sërish punën, pa u shqetësuar aspak dhe duke mos përfillur ligjin. Burimet mes punëtorëve të këtyre firmave konfirmojnë se, në Malin e Tomorrit puna nuk është ndërprerë asnjëherë dhe se vazhdon të nxirren pllaka guri, duke rrafshuar qafën e malit, në fshatrat: Dërvi, Novaj e Nishovë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...