Me foshnjen e sapolindur, familjarët protestojnë ndërsa jepet vendimi për mjekët: Drejtësi për Rexhinën - Bota Sot
Me foshnjen e sapolindur, familjarët protestojnë ndërsa jepet vendimi për mjekët: Drejtësi për Rexhinën

Shqipëria

Me foshnjen e sapolindur, familjarët protestojnë ndërsa jepet vendimi për mjekët: Drejtësi për Rexhinën

Më: 24 prill 2019 Në ora: 11:53
E ndjera Rexhina Debrova me bashkëshorshtin e saj në janar 2019

Gjykata e Elbasanit ka marrë vendimin “detyrim paraqitjeje” për dy mjekët e maternitetit të Elbasanit, që u akuzuan si shkaktarë për vdekjen e 25-vjeçares Rexhina Cani Debrovës një orë pas lindjes së foshnjes.

Mjekët që u arrestuan më 22 prill ishin kardiologu Mehmet Ibaj dhe reanimatori Nikollaq Thana.

Nga familjarët ata u akuzuan se nuk kishin kryer detyrën për ta shpëtuar lehonën.

Sot, gjatë seancës, bashkëshorti i ve i Rexhinës dhe familjarë të të dyve, kanë protestuar me foshnjen e sapolindur në krahë duke kërkuar drejtësi. Ata pretendojnë se rexhina nuk kishte pasur asnjë problem gjatë shtatzanisë dhe se i kishte kryer rregullisht vizitat.

Në hidhërim e sipër për vendimin e marrë, Gerti Debrova deklaroi se nuk do ta linte në heshtje këtë çështje dhe se do të kërkonte përgjegjësit.

Sot mund të lexoni Shfletoni kopertinat