Një automjet është përfshirë nga zjarri në orët e vona të mbrëmjes së të mërkurës në Laç.
Bëhet fjalë për mjetin e shefit të pranë Zyrës së Regjistrimit të Pasurive të Paluajtshme, në Laç, Klevis Berhani.
Gjithçka ka ndodhur teksa mjeti tip “Ford Focus” ka qenë i parkuar para banesës, duke pësuar dëmtime të shumta.
Paraprakisht dyshohet se ngjarja mund të ketë qenë e qëllimshme, ndërkohë që hetimet janë në vijim.
Policia po merr në pyetje Berhanin për të zbuluar ndonjë konflikt të mundshëm të tij.