Provimet e Maturës Shtetërore do të korrigjohen elektronikisht

Shqipëria

Provimet e Maturës Shtetërore do të korrigjohen elektronikisht

Më: 26 prill 2019 Në ora: 16:50
Foto

Provimet e Maturës Shtetërore nuk do të korrigjohen më në letër. Këtë vit pyetjet më alternativë do të vlerësohen elektronikisht, me kompjuter. Kjo metodë synon të shmang gabimin njerëzor dhe të shkurtojë kohën e korrigjimit.

Provimet e Maturës Shtetërore të këtij viti do të korrigjohen në mënyrë elektronike në pjesën e pyetjeve me alternativë. Drejtorja e Qendrës së Shërbimeve Arsimore thotë se përdorimi i teknologjisë minimizon gabimin njerëzor si dhe redukton kohën e korrigjimit të provimeve.

Rezana Vrapi: Rritja e besueshmërisë në procesin e korrigjimit, rritja e saktësisë, pra minimizimi i asaj që e quajmë gabim njerëzor, lehtëson procesin maksimalisht. Ne synojmë të fitojmë pak më shumë kohë.

Rezana Vrapi shpjegon se testi do të skanohet e më pas do të kontrollohet e vlerësohet në kompjuter.

Rezana Vrapi: Pjesa tjetër që janë pyetjet me zhvillim, ose edhe eseja, do të korrigjohen nga mësues të shkollave të mesme, të certifikuar.

Ministria e Arsimit synon që vitet e ardhshme ta përdor teknologjinë edhe në korrigjimin e pyetjeve me zhvillim.

commentFirst article
Sot mund të lexoni Shfletoni kopertinat