Edita Tahiri nuk i ka kursyer kritikat për kryeministrin Edi Rama, duke e cilësuar atë si një politikan që ka shfaqur dukshëm një sjellje prej arroganti, përfshi këtu edhe në qëndrimin e tij për Kosovën.
E ftuar në TvOra, ish- kryenegociatorja për Kosovën është shprehur se Shqipëria po përballet me probleme të autokracisë dhe se kriza ndikon në vonesat që i shkaktohen axhendës evropiane të vendit.
Tahiri: Shqipëria ka problemet e autokracisë dhe moszhvillimit ekonomik. 400 mijë njerëz kanë ikur nga Shqipëria. Kur mungon perspektiva dhe mirëqenia, mendoj se edhe kjo krizë politikë ka vend dhe kjo ndikon edhe në vonesën e axhendës evropiane. Kam parë një arrogancë nga kryeministri Rama. Nuk është një thënie që e thonë politikanët. Arrogancë ishte edhe sjellja e tij në raport me Kosovën. Pra kjo autokraci qoftë në Beograd ku vetë Vucic është i ballafaquar me protesta, qoftë në Kosovë, Mal të Zi po tregon që Ballkani në vend që të shkonte drejt proceseve demokratike, devijoi në një autoritarizëm të panevojshëm.
