Policia e Shtetit nxjerr pamjet e arrestimit te dy personave të grupit mafioz “Bajri”.
Operacion për kapjen e personave në kërkim, me rrezikshmëri të lartë shoqërore.
Finalizohet me sukses operacioni policor “Kompleksi”
Kapet dhe arrestohet një pjestar i një grupi kriminal.
Arrestohet edhe një shtetas tjetër për përkrahje të autorit të krimit
Operacioni nga Policia e Shkodrës, në bashkëpunim me Renean, FNSH e forcat Shqiponja të Drejtorisë Vendore të Policisë Tiranë.
Nga ky operacion u vu në pranga shtetasi i shpallur në kërkim, Barush Bregu, 33 vjeç, lindur në Shkodër. Bëhet me dije se i shumëkërkuari ishte fshehur në një pallat te Komuna e Parisit, të cilin e kishte marrë me qira.
Siç njofton policia, ky shtetas rezulton i dënuar me 4 vite burg për kultivim të bimëve narkotike, e kryer në bashkëpunim, në vitin 2016, si dhe me masë sigurie “Arrest në burg”, për armëmbajtje pa leje.
Ai gjithashtu dyshohet të jetë pjesë e një grupi kriminal në Shkodër, ndërsa ka dyshime të forta se ai ka gisht edhe në disa ngjarje të rënda, që kanë tronditur kryeqendrën e veriut. Së bashku me 33-vjeçarin, efektivët arritën të prangosnin në flagrancë edhe shtetasi B. Ç. 21 vjeç, banues në Shkodër për veprën penale “Përkrahja e autorit të krimit”.
