Basha: E shtuna vendimtare. S’është betejë për pushtet

Shqipëria

Basha: E shtuna vendimtare. S’është betejë për pushtet

Më: 10 maj 2019 Në ora: 15:18
Lulzim Basha

Ora 18:30 e së shtunës do i gjejë sërish opozitaret në sheshin para Kryeministrisë në protestën e katërt kombëtare për largimin e Edi Ramës.

“Beteja që kemi nisur nuk është betejë për pushtet, por për vlerat europiane. Nuk shkohet në Europë pa zgjedhje të lira dhe të ndershme. Vetëm zgjedhjet e lira e të ndershme garanton parlament legjitim”, u shpreh Basha.

Basha ftoi edhe socialistët të dalin ne shesh ndërsa lajmëroi se protestës do i bashkohen 300 studentët europianë, të organizatës studentore të Partisë Popullore Europiane.

“Kjo është një betejë kombëtare, por është edhe një betejë evropiane”, tha Basha.

Opozitarët kanë lajmëruar se protesta e së shtunës do të jetë vendimtare. Grupi organizator po merret me detajet e fundit, ndërsa burime bëjnë me dije se protesta do të zgjasë per me shume se 3 orë.

commentFirst article
Sot mund të lexoni Shfletoni kopertinat