Mbrojtja e hebrenjve nga shqiptarët, Meta: Shembull frymëzimi për botën - Bota Sot
Mbrojtja e hebrenjve nga shqiptarët, Meta: Shembull frymëzimi për botën

Shqipëria

Mbrojtja e hebrenjve nga shqiptarët, Meta: Shembull frymëzimi për botën

Më: 11 maj 2019 Në ora: 12:13
Ilir Meta me Benjamin (Benjy) Neumann dhe bashkëshorten e tij Ellie

Presidenti Ilir Meta thotë se ndihma që dhanë shqiptarët në mbrojtje të jetëve të hebrenjve duhet të shërbejë si shembull frymëzimi për të gjithë botën.

Këtë deklaratë kreu i shtetit e bëri pas takimit që zhvilloi me Benjamin (Benjy) Neumann dhe bashkëshorten e tij Ellie, të cilët i kushtuan një libër besës shqiptare.

Postimi i Metës:

Mbrojtja dhe shpëtimi i hebrenjve nga populli shqiptar, gjatë periudhës së errët të Holokaustit, është një shembull frymëzues mbarëbotëror.

Këtë akt fisnik të Besës shqiptare, një nga elementët thelbësorë të karakterit tonë kombëtar, e dëshmon më së miri edhe libri mbresëlënës: “Shpëtim në Shqipëri – Kujtimet e një vajze hebreje nga Hamburgu”.

E falënderoj Benjamin (Benjy) Neumann dhe bashkëshorten e tij Ellie për këtë libër-dëshmi të Besës shqiptare, që nuk do të ishte shkruar në rast se e ëma e tij, Johanna Jutta Neumann, të mos kishte gjetur strehë në vendin tonë gjatë Luftës së Dytë Botërore, në Durrës, Berat, Lushnje e në Tiranë. 🇦🇱🤝🇮🇱”, shkruan Meta.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...