Në këtë event të organizuar nga Bashkia në bashkëpunim me federatën shqiptare të Atletikës morën pjesë rreth 80 atletë. Atletë që vinin nga qyteti Beratit, rrethet si dhe nga Diaspora.
Maratona u zhvillua në aksin rrugor Berat – Ura Vajgurore vajtje ardhje nën kujdesin e drejtorit të sporteve në Bashkinë e Beratit, Alban Pambuku.
Fitues I maratonës për meshkujt u shpall Ilir Këllezi e për femrat Biljana Kiradijen. Fituesit morën edhe çmime të vendosura na Bashkia, ku për meshkujt vendi I parë mori 300 euro, I dyti 200 e I treti 100.
Ndërsa për femra, fituesja mori 200, ndërsa vendi I dytë e I tretë morën 100 euro dhe 70 euro.
Por në maratonë u ndanë edhe çmime për atletë të tjerë, ku 83 vjeçari Xhemal Xhemalce mori 50 euro pasi ishte atleti me i vjetër në moshë.
Ndërkohë maratonës iu bashkuan edhe pjesëmarrës nga policia e ushtria.