Ish-kreu i Grupit të LSI-së, Petrit Vasili e ka quajtur si të turpshëm qëndrimin e Edi Ramës për zhvillimin e zgjedhjeve pa opozitën.
Vasili ka publikuar qëndrimin e Ramës në vitin 2006, ku sipas tij zgjedhjet u shtynë pas kërkesës së kryetarit të opozitës së atëhershme.
“Edi Rama dje dhe sot…çfarë i paturpi!! Lexoni që të gjithë se çfarë deklaronte në 24 dhjetor 2006 Edi Rama përpara zgjedhjeve lokale te janarit 2007. Zgjedhje, që u shtynë me kërkese të Edi Ramës për një certifikate lindjeje.
Besoj se edhe gazetaret e analistet me të njëanshëm me e pakta, që mund të bëjnë është ta mbyllin gojën pasi ta lexojnë ketë deklarim.
Lexojeni çfarë thoshte Edi Rama ne 24 dhjetor 2006: “Kryeministri i Shqipërisë i trembet zgjedhjeve. Ai do zgjedhje të deformuara, ose nuk i pranon, ndërsa ne duam zgjedhje të lira e të ndershme, ose zgjedhje nuk do të ketë, për këtë ju garantoj.”
Pra Edi Rama garantonte, në 2006 që zgjedhje nuk do te kishte”, thekson Vasili.