Eksperti i çështjeve politike të brendshme dhe atyre ndërkombëtare, Roland Lami i ftuar në studion e lajmeve në RTV Ora u shpreh se marrëveshja e 18-majit e ka frikësuar kreun e demokratëve Lulzim Basha dhe ka çuar atë drejt një kërkese ekstreme, gati edhe të papërshtatshme politikisht.
Lami u shpreh se Basha nuk duhet të ketë pretendime për formulën e qeverisjes së btanishme të qeverisë, por pas krijimit të qeverisë teknike.
Roland Lami: Basha gjithmon kur i flet për marrëveshje ka në kokë rrezikun për të mos përsëritur marrëveshjen e 2017. Qoftë në kuptimin e uljes me Ramën si kryeministër, qoftë nga pikëpamja se si do të jetë qeveria teknike për të administuar procesin zgjedhor qoftë ai që vjen tani i përcaktuar nga afati kushtetues (30 qershori), qoftë ai hipotetik i shtyrjes së zgjedhjeve. Në këtë kuptim për të mos rënë në përsëritje, sepse mendon se përsëritja mund të krijojë frakturë, çarje, kosto brenda aleancës me partitë e tjera dhe fashoja radikale, mbështetëse brenda PD-së e bën atë të mos përsërisë 2017. Mirëpo tendenca për t'iu larguar 2017 si formulë e ka çuar atë drejt një kërkese ekstreme, gati edhe të papërshtatshme politikisht.
Marrim shembull se çfarë do të thotë të mos ulesh me kryeministrin për të mos diskutuar mbi variantin e shtyrjes së zgjedhjeve, mbi variantin e qeverisë teknike, mbi variantin e disa reformave të mëdha. Ai është drejtuesi legjitim i pozitës dhe qeverisë sot. Mund të kesh pretendime për formulën nesër se si do të administrohet qeveria teknike, mund të kesh pretendime që ai të mos jetë drejtuesi i kësaj qeverie teknike, por nuk mund të përcaktosh interlekutor me të cilin do të flasësh, kur jemi në një situatë kaq të vështirë.