Ministrja e Shëndetësisë dhe Mbrojtjes Sociale, Ogerta Manastirliu në seancën e së enjtes u bëri thirrje deputetëve për të dhuruar gjak për të sëmurët.
Ajo tha se Ministria ka nisur fushatën e dhurimit të gjakut dhe stafi i Qendrës së Transfuzionit dhe Dhurimit të Gjakut është zhvendosur në ambientet brenda Kuvendit për cilindo deputet që dëshiron t’i bashkëngjitet iniciativës.
“Ministria e Shëndetësisë dhe Mbrojtjes Sociale ka nisur fushatën për dhurimin e gjakut dhe këtu ndodhet stafi i Qendrës së Transfuzionit dhe Dhurimit të Gjakut. Ju ftoj për tu bërë pjesë e kësaj fushate”.
