Arratisen dy shqiptarë të burgosur në Greqi.
Sipas mediave greke, ngjarja mësohet se ka ndodhur gjatë mbrëmjes së sotme rreth orës 21:40.
Shqiptarët janë arratisur nga burgu i Avlona-s.
Mësohet se një nga të burgosurit e arratisur, kapërceu së pari gardhin e burgut dhe më pas u përball me një polic që patrullonte jashtë.
Sipas mediave greke, oficeri i policisë qëlloi në ajër për ta paralajmëruar që të ndalojë por pa sukses.
Gjatë kësaj kohe një i burgosur i dytë kapërceu gardhin, goditi policin dhe arriti të largohet bashkë me shqiptarin tjetër.
Mediat greke thonë se të burgosurit shqiptarë janë përfshirë në të ashtuquajturën “Mafia e Burgjeve” të Korydallos.
Policia ka nisur punën për kapjen e dy shqiptarëve.