Ministria e Shëndetësisë: 10 policë dhe 3 protestues të plagosur

Shqipëria

Ministria e Shëndetësisë: 10 policë dhe 3 protestues të plagosur

Më: 3 qershor 2019 Në ora: 08:16
Pamje nga protesta

Ministria e Shëndetësisë informon se pranë Spitalit Universitar të Traumës, mbrëmjen e djeshme janë paraqitur 10 punonjës të policisë, me plagë dhe dëmtime të shkallëve të ndryshme, të shkaktuara nga goditjet prej lëndëve piroteknike.

Po prej lëndëve piroteknike, kanë mbërritur në urgjencë dhe kanë marrë menjëherë ndihmën e parë mjekësore edhe 2 qytetarë në spitalin e Traumës, pjesëmarrës në protestë.

Ndërsa një protestues po merr trajtimin e duhur mjekësor në urgjencën e Qendrës Spitalore Universitare “Nënë Tereza”.

Ekipet e Urgjencës Kombëtare dhe spitaleve universitare kanë qenë në gatishmëri të plotë gjatë të gjithë protestës së zhvilluar mbrëmjen e djeshme.

commentFirst article
Sot mund të lexoni Shfletoni kopertinat