Kryebashkiaku i qytetit të Korçës, Sotiraq Filo ka vizituar sot banorët e fshatit Floq, ku gjatë bashkëbisedimit me ta u tha se bashkia Korçë solidarizohet me banorët e prekur nga lëkundjet e tërmetit, si dhe do të japë mbështetjen kryesore, për ta kapërcyer këtë situatë të vështirë.
“Vazhdojmë të jemi pranë banorëve të Floqit me kujdes e dashuri, për ta kapërcyer këtë situatë të vështirë. Me mbështetjen e pakursyer të organizatave, donatorëve dhe shpirtin fisnik të dhjetëra vullnetarëve në terren po ia dalim t’u vijmë në ndihmë banorëve të prekur nga tërmeti”.