Vetëm 25.5% e grave në Shqipëri janë të punësuara dhe marrin një pagë edhe pse tanë nivelin më të lartë të diplomimeve. Këto shifra u bënë publike në forumin e gruas në sipërmarrje ndërsa kreu i dhomës së tregtisë theksoi se gratë janë forcë në rrugën drejt integrimit. Ministri i Sipërmarrjes Eduard Shalsi premtoi më shumë mbështetje për gratë sipërmarrëse.
Gratë vijojnë që të ketë një nivel të ulët në punësim dhe në sipërmarrje pavarësisht ndryshimeve të pësuara vitet e fundit. Në forumin e gruas sipërmarrëse kreu i dhomës së tregtisë dhe Industrisë Nikolin Jaka deklaroi se gratë një forcë e rëndësishme në zhvillimin e vendit.
Nikolin Jaka: Roli i vajzave dhe i grave është një rol i pazëvendësueshëm, një rol që personalisht jam i bindur që nëse ky rol do jetë në vendin e duhur, Shqipëria integrohet me shpejt dhe më mirë sesa ne e kemi nisur rrugën.
Drejtoresha e Instat Delina Ibrahimaj theksoi se shifrat zyrtare tregojnë një hendek të thellë gjinor përsa i përket punësimit apo fitimit të grave në krahasim me burrat
Delina Ibrahimi: Ndër këto vajza dhe gra që janë të përfshira në tregun e punës, vetëm 25.% e tyre janë të punësuara me pagë. Pjesa tjetër janë të punësuara në biznese familjare apo të vetëpunësuara.
Ministri për Mbrojtjen e Sipërmarrjes Eduard Shalsi premtoi më shumë mbështetje për gratë sipërmarrëse
Eduard Shalsi: Ministria që unë drejtoj nëse për burrat do të ketë një axhendë paraprake, për gratë sipërmarrëse kanë një derë gjithmonë hapur, ku mund të vijnë pa trokitur.
Sipas të dhënave zyrtare Gratë menaxhojnë ose zotërojnë 25,7 % të ndërmarrjeve aktive gjithsej në vend krahasuar me 29,7 % gjatë vitit 2017. Pjesa më e madhe e tyre është përqendruar në kryeqytet dhe kanë kryesisht 1-4 të punësuar.
