Për Ernikun 10 vjeçar nga Qafzeza e Korçës, ditët e fundit të shkollës janë më të vështirat.
Tërmeti i një qershorit i shkatërroi shtëpinë ndaj mësimet dhe detyrat përmbyllëse të vitit shkollor po i bën në çadrën ku është strehuar.
Erniku: "Është shumë e vështirë. Nuk mund të bëj dot as detyrat."
Familja e tij dhe shumë të tjera kanë 6 ditë aty, nën shi e temperatura të ulta apo diell e vapë.
Ndaj çatia mbi kokë është dëshira më e madhe e fëmijëve.
Erniku: "Dëshira ime është vetëm të kem një vend ku të fus kokën dhe të fle."
Çadrat u sigurojnë kushtet më minimale. Disa janë strehuar deri në kasollet e bagëtive.
Kështu flenë e zgjohen fëmijë e të moshuar disa prej të cilëve të sëmurë.
Banore: "Është një katastrofë e vërtetë sepse është shumë ftohtë. Nuk kthehem në shtëpi, më mirë rri në të ftohtë."
Ujin dhe kushtet për tu larë thonë se nuk e kanë prej një jave.
Zotimet e qeverisë se shtëpitë do rindërtohen brenda verës të paktën u ka dhënë shpresë për të kaluar ditët e vështira pa çati e katandi.
