Pasuria e florës së Parkut Kombëtar ” Bredhi i Hotovës – Dangëlli” erdhi përmes artit me punime artistike, në Përmet.
Nxënësit e shkollës 9-vjeçare Meleq Gosnishti, Përmet organizuan një panair kushtuar mjedisit, trashëgimisë kulturore, dhe kulinarisë lokale të Përmetit.
Aktiviteti solli përmes panairit miniparkun me drurët pyjor të Parkut Kombëtar “Bredhi i Hotovës – Dangëlli” me punime artistike, figurative dhe letrare të nxënësve.
Gjithashtu nxënësit sollën dhe gatime tradicionale përmetare, veshje popullore tradicionale, dhe performuan këngë dhe valle përmetare.
Ky aktivitet u zhvillua në zbatim të projektit “Lule dhe gjelbërim, natyra mbi gjithçka” me mbështetjen e Agjencisë Rajonale të Zonave të Mbrojtura Gjirokastër.
