Fier, luleshtrydhet pa treg

Shqipëria

Fier, luleshtrydhet pa treg

Më: 9 qershor 2019 Në ora: 14:59
Luleshtrydhet

Për shkak të mungesës së tregut për shitje, kultivuesit e luleshtrydheve në fshatin Adë të njësisë administrative Frakull kanë vendosur ta hedhin prodhimin në tokë.

Fermeri Nebi Ferra tregon se një sasi e konsiderueshme e prodhimit ka shkuar dëm pasi është bllokuar shitja, por edhe çmimi i tyre është tepër i ulët.

Nebi Ferra: E kam mbushur kamionçinën rrafsh me luleleshtyrdhe dhe e kam hedhur në plera. E kam hedhur dy ditë rresht. Kam paguar punëtorin që e voli, e ngarkoi dhe e kam hedhur. Dëmi është shumë i madh për arsye sepse të paguash punëtorin, ta vjeli, ta nxjerri nga sera, ta ngarkojë në makinë dhe të vej ta shkarkojë ky dëm është. Të bësh një luleshtrydhe deri në fazën e pjekjes ka një kosto shumë të lartë. 

Fermeri tregon se u ka munguar përkrahja nga shteti dhe nëse nuk merren masa për të pasur një treg të sigurt atëherë banorët e kësaj zonë do të vazhdojnë ti hedhin prodhimet.

Nebi Ferra: Kam një jetë të tërë që nuk po marr subvencione. Tek kjo unë nuk e ndjej dorën e shtetit. Shteti ne na ka marrë se për të dhënë jo.

Por Nebi Ferra edhe një mesazh për të gjitha ata konsumatorë të cilët mendojnë se prodhimet e kësaj zone janë me hormone.

Zona e Frakullës në Bashkinë e Fierit është e njohur tashmë për kulturën e luleshtrydhes dhe ka numrin më të lartë të fermerëve që merren me kultivimin e saj, por pjesa më e madhe e tyre vazhdojnë të ankohen se kostoja e lartë e shpenzimit nuk e justifikojnë fitimin që ata marrin.

commentFirst article
Sot mund të lexoni Shfletoni kopertinat