Ndryshon ligji, ja sa dënoheni nëse vrisni apo keqtrajtoni kafshët - Bota Sot
Ndryshon ligji, ja sa dënoheni nëse vrisni apo keqtrajtoni kafshët

Shqipëria

Ndryshon ligji, ja sa dënoheni nëse vrisni apo keqtrajtoni kafshët

Më: 10 qershor 2019 Në ora: 18:20
Ilustrim

Personat që vrasin apo keqtrajtojnë kafshët do të dënohen me burg deri në 6 muaj. Kjo masë e miratuar në parim nga Komisioni i Ligjeve përbën lehtësim te penaliteteve të parashikuara nga nisma e 20 mijë qytetarëve të cilët kishin kërkuar heqje lirie deri në dy vjet për autorët e këtyre veprave. Ndryshimet në Kodin Penal që do i paraqiten Kuvendit për miratim.

Komisioni i Ligjeve ka miratuar zbutjen e ndjeshme të dënimit për keqtrajtimin apo vrasjen e kafshëve në krahasim me propozimet që përmbante nisma e 20 mijë qytetarëve për projektligjin e ndryshimeve në kodin penal.

Komisioni miratoi në parim dënimin nga gjobë deri në 6 muaj burg për personat që vrasin kafshët, ndërkohë që në nismën fillestare kërkohej një penalitet deri në 2 vjet heqje lirie.

“Kur vepra penale ka ardhur si pasojë vdekja e kafshës dënohet me burgim deri në 6 muaj”

Por, ky propozim u prit me kundërshtim nga përfaqësuesit e shoqatave për mbrojtjen e kafshëve.

“Qesharake, ne kafshët i kemi si fëmijë ju i dënoni me 2 apo 6 muaj, turp”

Masat për këdo që keqtrajton kafshët do të nisin nga gjobë deri në tre muaj burg.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...