Pas deklaratës për shtyp të mbajtur pak minuta më parë nga selia blu, burime për Fax Neës bëjnë me dije se dy takime të rëndësishme janë përcaktuar në axhendën e kryedemokratit Basha pasditen e kësaj të hëne.
Sipas raportimeve Basha po zhvillon një takim me aleatët , takim ky i cili ka nisur rreth orës 18:00. Ndërkohë, që më vonë, rreth orës 19:00, pritet që të mbledh kryesinë e PD-së për të diskutuar në lidhje me situatën politike në vend.
Kujtojmë, se në deklaratën për shtyp referuar vendimit të presidentit Meta për shtyrjen e zgjedhjeve Basha është shprehur se nuk i takon atij ta gjykojë, por Gjykatës Kushtetuese, ndërsa është shprehur se është plotësisht dakord me të.
Nderkohë, në lidhje me mocioni e Ballës drejtuar kryetarit të Kuverndit Ruçi, Basha është shprehur i sigurt se dy gjëra nuk kanë për të ndodhur: shkarkimi i Presidentit dhe zgjedhjet e 30 qershorit.
