Në nëntor të vitit 2018, pas një konflikti të çastit, mbeti i vrarë me armë kreu i njësisë administrative Kotë, 64 vjeçari Fatmir Hodo.
Sot është përsëritur tragjedia, ndërsa ende në rrethana të paqarta, ka mbetur i vrarë me plumb në gjoks, kreu i kësaj njësie administrative, Argjil Gjoka.
Sipas informacioneve të deritanishme, flitet se Gjoka, rreth 52 vjeç, ka ndërhyrë për të shuar një sherr mes dy personash.
Ai u transportua në spital pas ngjarjes së rëndë, por nuk ka mundur t’u bëjë ballë plagëve të marra.
Ndërkohë pritet që policia të sqarojë rrethanat e këtij konflikti që tronditi sërish fshatin Kotë në Vlorë.
