Heiko Maas-Gent Cakaj: Negociatat me Shqipërinë duhet të hapen për arsye strategjike - Bota Sot
Heiko Maas-Gent Cakaj: Negociatat me Shqipërinë duhet të hapen për arsye strategjike

Shqipëria

Heiko Maas-Gent Cakaj: Negociatat me Shqipërinë duhet të hapen për arsye strategjike

Më: 13 qershor 2019 Në ora: 16:46
Pamje nga takimi

Gjermania gjykon se negociatat me Shqipërinë duhet të happen për arsye strategjike. Kjo i është bërë e ditur sot ministrit të Jashtëm në detyrë, Gent Cakaj në takimin që zhvilloi në Berlin me homologun gjerman, Heiko Maas.

MEPJ e Shqipërisë njofton se Heiko Maas ka vlerësuar rolin e vendit tonë në kryesimin e OSBE-së, të cilën e cilësoi jo thjesht një sfidë, por një mundësi të madhe që ka vendi për të performuar në skenën ndërkombëtare.

Ministri i Jashtëm gjerman siguroi Cakajn për mbështetjen e vazhdueshme të Gjermanisë jo vetëm në aspektin bilateral por edhe në ambiciet e saj për lidership multilateral. Në këtë kuadër u ra dakord që agjenda të vijojë me intensitet të plotë.

Gent Cakaj ka informuar homologun gjerman mbi ecurinë e reformave në kuadër të procesit të integrimit të ndërmarra nga Qeveria shqiptare, si dhe përmbushjen plotësisht të tre kushteve të vendosura nga Këshilli Evropian në qershorin e vitit 2018.

Kryediplomati shqiptar e vlerësoi si historike dhe të pa ndërmarrë nga ndonjë vend tjetër në rajon, zbatimin e reformës në drejtësi që sipas tij, ndodhet në fazën e fundit  të saj.

“Vitin e kaluar Këshilli i Çështjeve të Përgjithshme të BE-së mori vendim për hapjen e negociatave në 2019 dhe ne ishim të bindur se kjo nuk do të ishte një hapje automatike por e bazuar në një punë intensive për plotësimin e procesit të vetingut, krijimin e organeve të reja gjyqësore dhe dhënien e rezultateve të prekshme në luftën kundër korrupsionit dhe krimit të organizuar. Raporti i Komisionit Evropian ka çertifikuar angazhimin e qeverisë shqiptare në plotësimin e këtyre kritereve nga pikëpamja teknike”, është shprehur ministri në detyrë Cakaj.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...