Rama për zjarrin në shkollë: E turpshme, po bëjnë përpjekje të dëshpëruara - Bota Sot
Rama për zjarrin në shkollë: E turpshme, po bëjnë përpjekje të dëshpëruara

Shqipëria

Rama për zjarrin në shkollë: E turpshme, po bëjnë përpjekje të dëshpëruara

Më: 19 qershor 2019 Në ora: 12:53
Edi Rama

Kryeministri shqiptar Edi Rama e ka konsideruar të turpshme ngjarjen e ndodhur dje në Shkodër, me djegien e materialeve zgjedhore brenda shkollës “Shejnza Juka”. Gjatë një takimi me banorë të Tiranës, ku i pranishëm ishte edhe kandidati për bashkinë e Tiranës, Erion Veliaj, Rama tha se opozita po bën përpjekje të dëshpëruara, por do të dështojnë sepse nuk e kanë popullin me vete.

“Ajo e Shkodrës dje ishte e turpshme. Është e gjitha një përpjekje e dëshpëruar sepse nuk kanë mundësi të bëjnë më shumë sepse nuk kanë popullin me vete. Është e qëllimshme e gjitha, për televizion, për ta çuar jashtë dhe për të krijuar idenë se ky vend nuk meriton të respektohet dhe të hapen negociatat”, tha Rama.

Kryeministri paralajmëroi edhe ashpërsimin e Kodit Penal për personat që do të tentojnë të dëmtojnë qendrat e votimit më 30 qershor, kur mazhoranca ka vendosur të hyjë në zgjedhjet lokale, pavarësisht shfuqizimit nga Presidenti i Republikës, Ilir Meta.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...