Një person është plagosur me armë zjarri nga persona ende të paidentifikuar në Durrës.
Ngjarja ndodhi në zonën e ish-kënetës dhe i plagosuri është identifikuar si Julian Meçaj, i njohur dhe si person me precedentë penalë nga policia vendore.
Meçaj njihet si pjesë e bandës së Lulzim Berishës, i akuzuar për disa vepra penale. Në çastin e atentatit ai ka qenë në makinë e tij, tip “Range Rover”.
Menjëherë pas plagosjes, autorët janë larguar nga vendi i ngjarjes, ndërsa Meçaj është dërguar në spitalin e Durrësit ku ndodhet nën kujdesin e mjekëve. Ndërkohë policia ka ngritur postblloqe në hyrje daljet e qytetit dhe po kërkon në të gjithë zonën për gjetjen e autorëve.