Goditet një rast të shpërndarjes së drogave të forta në doza të vogla, në kuadër të operacionit të koduar “Dhërmiu”.
Kështu mbrëmjen e kësaj të premteje, u sekuestruan 15 doza kokainë dhe një sasi parash të dyshuara si të përfituara nga shitja e lëndës narkotike, duke vënë në pranga një person.
Në bazë të informacioneve të marra në rrugë operative, se në zonën e Dhërmiut, një person shpërndante lëndë narkotike kokainë në doza të vogla, u bë organizimi i operacionit.
Kështu u vu në pranga 37-vjeçari nga Tirana A.K.
Gjatë kontrollit fizik, policia i gjeti të dyshuarit, 15 doza lëndë narkotike e dyshuar e kokainë, si dhe një sasie valute prej 385 eurove, të cilat dyshohen se janë përfituar nga shitja e lëndës narkotike.
Ndaj të dyshuarit materialet iu referuan Prokurorisë për veprën penale “Prodhimi dhe shitja e narkotikëve”.