Në mbledhjen e sotme të kryesisë së PS-së, kryeministri Edi Rama përsëriti edhe njëherë vendosmërinë e tij për zhvillimin e zgjedhjeve më 30 qershor.
“Më 30 qershor të kemi një proces me standarde”, mësohet të jetë shprehur Rama në mbledhjen e kryesisë.
Kryeministri ka vendosur që mitingu përmbyllës i fushatës elektorale të mbahet në qytetin e Vlorës, bastionin e PS-së, ku vetë Rama është deputet.
Deri ditën e premte do të ketë fushatë elektorale, me takimin përmbyllës në Vlorë. Të shtunën është heshtje zgjedhore, ndërsa të dielën pritet të mbahen zgjedhjet vendore 2019 për të votuar kryebashkiakët e rinj.
