Sekretari i Përgjithshëm i Partisë Socialiste, Taulant Balla thotë se 30 qershori është dita e sovranit, dita kur sovrani vendos, partitë heshtin dhe presin verdiktin e sovranit.
Ai citon Kushtetutën dhe nenin 2/1, për të cilin thotë se parashikon se sovraniteti në Republikën e Shqipërisë i përket popullit.
“Këtë sovranitet populli e ushtron në mënyrë të drejtpërdrejtë ose nëpërmjet të zgjedhurve të tij. Tentativa për t’i mohuar sovranit të zgjedhë dështoi dhe më 30 qershor populli do të zgjedhë përfaqësuesit e tij për mandatin e ri katër vjeçar të pushtetit vendor”, shkruan Balla.
Kujtojmë se Kolegji Zgjedhor shpalli sot verdiktin e tij në lidhje me kërkesën e Partisë Uniteti Kombëtar përfaqësuar nga kryetari Idajet Beqiri për çregjistrimin nga zgjedhjet.
Trupa gjykuese e përbërë nga gjyqtarët Tomor Skreli, Ridvan Hado, Lindita Sinanaj, Artur Malaj dhe Shkëlqim Mustafa, vendosi të rrëzojë kërkesën e PUK, duke firmosur që në 30 qershor të zhvillohen zgjedhjet lokale.