Pas dekretit të Presidentit të Republikës, Ilir Meta për zhvillimin e zgjedhjeve lokale në 13 tetor 2019 ka reaguar edhe ish-ministri i Drejtësisë, Ylli Manjani.
Në një postim në facebook, Manjani referuar nenit 92.gj të Kushtetutë së Republikës së Shqipërisë shkruan se datën e zgjedhjeve e cakton Presidenti dhe zyrtarisht është data 13 teor 2019.
Manjani thekson se vendi ka nevojë për zgjedhje parlamentare.
Postimi i Manjanit:
Sa për informacion:
Neni 92.gj, përcakton qartë se datën e zgjedhjeve në Republikën e Shqipërisë e cakton Presidenti i Republikës.
Askush tjetër!
Vetëm Presidenti i Republikës.
Nëse duan t'i referohen Kushtetutës,ende në fuqi të Republikës, ky është neni. 92.gj.
Të tjerat janë komente, interpretime, llogje, blogje e ku e di unë çfarë tjetër!
Nuk ju pëlqen Ilir Meta, ky është hesap tjetër. Le ta shkarkojnë, ta përçudnojnë ti bëjnë çtë duan.
Datën e zgjedhjeve e cakton Presidenti dhe zyrtarisht është data 13 Tetor 2019.
Sa më takon, mendoj se vendi ka nevojë për zgjedhje parlamentare. Por edhe kjo është temë tjetër.
Lexoni Kushtetutën!