Voltana Ademi: Ky ishte referendum, Shkodra qëndroi nuk u nënshtrua

Shqipëria

Voltana Ademi: Ky ishte referendum, Shkodra qëndroi nuk u nënshtrua

Më: 30 qershor 2019 Në ora: 20:56
Voltana Ademi

Kryetarja e Bashkisë së Shkodrës, Voltana Ademi tha votimet e sotme ishin referendum, që treguan refuzimin që i bënë qytetarët.

Në një status në Facebook, Ademi tha se Shkodra qëndroi dhe nuk u nënshtrua. Ndërsa mazhoranca pavarësisht presionit për të votuar nuk ia doli.

Reagimi i Voltana Ademit

#FALEMINDERIT #MIRENJOHJE #RESPEKT

Të dashur bashkëqytetarë!

Kemi kaluar një ditë të vështirë! Përballë një shtetrrethimi, i mbështetur edhe nga struktura kriminale, ia kemi dalë ti trëgojmë regjimit se NE jemi shumica, ne jemi QYTETARËT e SHKODRËS që me shumë qytetari, i dhamë përgjigjen e merituar përmes BRAKTISJES totale!

Sot nuk ishin votime, ky ishte REFERENDUM! Shkodranët, nga Thethi në Velipojë, nga Zogajt në Gurin e Zi, e bojkotuan masivisht diktaturën! Shkodra qëndroi, nuk u nënshtrua, duke i dhënë zemër dhe shpresë gjithë Shqipërisë, ashtu si në vitin 1990!

Ky është lajmi i ditës! Rilindja detyroi me anë të presionit qindra persona të votonin por nuk ia doli dot! Pa llogaritur votat e pavlefshme, të cilat janë të shumta si kurrë më parë!

#AsnjeHapPas #BashkeIaDalim #ShkodraNukPerkulet

#BetejaPerDemokraciVazhdon #ShqiperiaSiEuropa

commentFirst article
Sot mund të lexoni Shfletoni kopertinat