Abilekaj: Përgjimet në Gjermani i ka çuar dikush që ka pasur "fuqi", nuk akuzoj dot Llallën - Bota Sot
Abilekaj: Përgjimet në Gjermani i ka çuar dikush që ka pasur "fuqi", nuk akuzoj dot Llallën

Shqipëria

Abilekaj: Përgjimet në Gjermani i ka çuar dikush që ka pasur "fuqi", nuk akuzoj dot Llallën

Më: 5 korrik 2019 Në ora: 07:49
Enton Abilekaj

Gazetari Enton Abilekaj i ftuar në studion e lajmeve në RTV Ora teksa foli për publikimin e përgjimeve nga gjermania "BILD" tha se materiale në Gjermani kanë shkuar nga një person shumë më lartë se një prokuror i thjeshtë.

Sipas tij ai që i ka çuar videot në Gjermani sot, mund të jetë edhe në Gjermani, por theksoi se nuk mund të akuzonte dot për këtë ish-prokurorin e Përgjithshëm të Përkohshëm, Adriatik Llalla.

Enton Abilekaj: Kjo ka të bëjë me investigimin gazetresk. Nuk ka pasur përmbajtje të përgjimeve në median shqiptare që ka zgjedhur media të mos i publikojë. Me informacionet që kam unë nuk ka patur.

Teknika e përgjimeve  është kjo. Ka një dhomë regjistrimi në Prokurorinë e Përgjithshme, e cila vihet në punë me vendim Gjykate, pasi prokuroria ia kërkon gjykatës. Dhoma e regjistrimit i regjistron dhe i çon pastaj nëpër kompjuterat e secilit prokuror që heton çështjen dhe nuk e kanë të drejtën dhe mundësinë teknike të kopjojnë materialet, apo të krijojnë kaseta. Pra nuk ka pasur mundësi që një prokuror ta kopjojë dhe ta marrë jashtë. Mbajtja e dosjes mund të jetë ditur nga PD-ja, por nuk ka patur audioregjistrimin. Audio është shpërndarë në median gjermane, ndoshta nga dikush që ka pasur fuqinë në atë kohë më shumë se gjithë të tjerët, se prokurori i thjeshtë. Ai ka marrë audiot dhe i ka çuar në Gjermani, ndoshta është edhe në Gjermani sot. 

Nuk mund të akuzoj dot Adriatik Llallën që është në Gjermani sot që i ka dhënë ato, por me informacionin tim nuk është zgjedhje e medias shqiptare të mos i publikojë ato. Çdo media shqiptare po të gjente një material të tillë do ta publikonte.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...