Hiqet taksa në Rrugën e Kombit, ja kategoria që përfiton

Shqipëria

Hiqet taksa në Rrugën e Kombit, ja kategoria që përfiton

Më: 12 korrik 2019 Në ora: 17:28
Rruga e Kombit

Koncesionari i ‘Rrugës së Kombit’ ka bërë me dije se është hequr taksa e rrugës  për të gjithë personat invalidë të cilët e kanë automjetin të regjistruar në emrin e tyre.

Burimet gjithashtu konfirmojnë për Fax se taksa për këtë kategori personash është hequr që ditën e djeshme dhe nuk dihet ende sa do të zgjas.

Ndërkohë gjithmonë sipas burimeve ky vendim erdhi menjëherë pas ankesave të shumta të qytetarëve.

Kujtojmë që tarifa prej 5 euro  për çdo kalim, për veturat e vogla dhe 10 euro për autobusët dhe kamionët, ka filluar të zbatohet që prej 15 prillit të vitit të kaluar.

Vendimi për taksimin e ‘Rrugës së Kombit’ me pretekstin për mirëmbajtjen e saj nuk është pritur aspak mirë nga banorët e zonës por dhe nga qytetarë të cilët për disa ditë kanë zhvilluar protesta të dhunshme dhe përplasje e policinë.

commentFirst article
Sot mund të lexoni Shfletoni kopertinat