Shqipëri: Shoqëroi nipin e ish-ministrit, polici largohet pas 17 vitesh për të punuar si shofer bulmeti - Bota Sot
Shqipëri: Shoqëroi nipin e ish-ministrit, polici largohet pas 17 vitesh për të punuar si shofer bulmeti

Shqipëria

Shqipëri: Shoqëroi nipin e ish-ministrit, polici largohet pas 17 vitesh për të punuar si shofer bulmeti

Më: 13 korrik 2019 Në ora: 22:32
ilustrim

“I ndershëm në Shqipëri”, kështu e ka titulluar gazetarja Anila Hoxha shkrimin ku pasqyrohen realitete të dhimbshme me të cilat përballen çdo ditë shumë punonjës policie në Shqipëri. Shkrimi i cili është kthyer në ‘viral’ në mediat online dhe rrjetet sociale tregon edhe historinë e një ish-polici të quajtur Artan A.

17 vite në radhët e policisë nuk ishin asgjë përpara nipit të dehur të një ish-ministri shqiptar. Gazetarja Hoxha tregon se si shoqërimi i këtij personi të dehur i kushtoi karrierën dhe të gjithë sakrificat që Artani ka kaluar me uniformën blu.

“Ky ish polici polic quhet Artan A. Punoi 17 vjet në radhët e policisë së fundmi ishte tek Shqiponjat në Tiranë. Iku prej andej sepse në ndërhyrjen e fundit shoqëroi nipin e dehur të një ish ministri, i cili i hëngri kokën”, shkruan gazetarja në reagimin e saj.

“Ditën që ndodhi kjo, ne i kërkuam shtetasit dokumentet, ai tha do ua bëj siç ua bënë policëve në Elbasan. U nxeha kërkova përforcime dhe e përcolla në komisariat. Qytetari nuk firmosi asnjë pretendim për dhunë, dhe më pas ai u lirua. Por pesë ditë më vonë ai dorëzoi një akt ekspertizë me shenja nga prangat në duar, kjo u pa si dhunë dhe sjellje e pahijshme dhe aktualisht jam nën hetim “. Artan A. e bën këtë rrëfim me fund të shpirtit jo sepse dëshiron të kthehet më në polici, por sepse ndihet i pavlerësuar, i hedhur poshtë, i tradhtuar nga eprorët, i pambrojtur, ndonëse ishte një shërbëtor i verbër i shtetit të tij. ”Sepse jam i pafajshëm dhe sepse kam bërë armiq në emër te shtetit tim, i cili me ktheu kurrizin!” .

“Jetoj me qira dhe muajt e parë ishin të vështirë, sepse kur je polic që e do policinë, të ngjan sikur të kanë shkulur zemrën “ thotë Artani. Ai punon shofer dhe shpërndan produkte bulmeti dhe unë u njoha me të në një dyqan, shkruan Hoxha.

Ai më tha, vijon gazetarja, se policin nuk e duan , “isha nga ata që edhe po të vritesha për vendin tim, s’do më vinte keq për jetën, por për familjen”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...