Taksa e re për naftën, ish-deputeti i PD fton qytetarët: T’i bashkohemi protestës të hënën - Bota Sot
Taksa e re për naftën, ish-deputeti i PD fton qytetarët: T’i bashkohemi protestës të hënën

Shqipëria

Taksa e re për naftën, ish-deputeti i PD fton qytetarët: T’i bashkohemi protestës të hënën

Më: 14 korrik 2019 Në ora: 13:16
Agron Shehaj

Ish-deputeti i PD-së, Agron Shehaj ka ftuar qytetarët që t’i bashkohen ditën e hënën protestës për të kundërshtuar rritjen e çmimit të naftës.

Shehaj në postimin tij në Facebook thekson se qytetarët për rreth 2 orë duhet të marrin pjesë në protestë dhe të fikin automjetet e tyre në rrethrrotullime apo kryqëzime. Çmimi i naftës sipas tij duhet të jetë 150 lekë për litër.

“Rama nuk ndalet, si në rastin e taksës prej 5 euro të koncesionit të Rrugës së Kombit, taksa e re mbi naftën që do të paguajnë shqiptarët do të kalojë direkt në xhepat e miqve të Ramës.

Skema është e njëjta, qeveria ju merr para shqiptarëve dhe i ndan me oligarkët për shërbime të panevojshëm me vlera të pajustifikuara: 15 mln në vit për koncesionin e Rrugës së Kombit, 12 mln në vit për checkup dhe tani 12 mln euro në vit për rezervat që akoma nuk e dimë se kujt do t’i shkojnë.

Aferat korruptive të kësaj qeverie ndalohen vetëm me protesta, si në rastin e Teatrit dhe të Unazës së Madhe. Prandaj i ftoj të gjithë t’i bashkohen thirrjes për protestë kundër taksave mbi naftën.

Në kushte e kapjes totale të ekonomisë nga Rama dhe miqtë e tij, protesta qytetare është mënyra e vetme për t’a ndalur”, thekson ai.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...