Presidenti Ilir Meta priti sot në një takim ambasadoren gjermane në Shqipëri, Susanne Schütz.
Presidenti gjkatë takimit tha se mirëpret angazhimin e Bundestagut për të ndihmuar në rrugën drejt çeljes së negociatave të Shqipërisë me BE-në.
“Sot prita në takimin e lamtumirës Ambasadoren gjermane Susanne Schütz, e cila mbaron mandatin e saj në Shqipëri. Tek Gjermania mike dhe partnere strategjike e Shqipërisë do vijojmë të mbështetemi me besim dhe bashkëpunim gjithnjë e më të afërt”, u shpeh Presidenti Meta, përmes një postimi në Facebook.
“Mirëpres angazhimin e sinqertë dhe vendimtar të Bundestagut për të ndihmuar në rrugën drejt çeljes së negociatave të anëtarësimit të Shqipërisë me Bashkimin Europian dhe për përparimin e vendit drejt standardeve demokratike evropiane”, shtoi Meta, gjatë këtij takimi.
Ky takim vjen pasi ambasadorja Susanne Schütz është në përfundim të mandatit të saj.