Shehaj: Aksioni i Ramës në jug është arbitrar dhe kriminal - Bota Sot
Shehaj: Aksioni i Ramës në jug është arbitrar dhe kriminal

Shqipëria

Shehaj: Aksioni i Ramës në jug është arbitrar dhe kriminal

Më: 9 gusht 2019 Në ora: 18:56
Agron Shehaj

Ish-deputeti i Partisë Demokratike, Agron Shehaj ka reaguar mbi aksionet e ndërmarra nga tatimorët në disa zona të vendit.

Shehaj akuzon kryeministri Edi Rama, se ky i fundit ka ndërmarrë aksione selektive në jug të vendit.

Ai thekson se ky aksion që po bëhet në kulmin e sezonit turistik është një goditje e madhe dhe dënim për dhjetëra familje.

Postimi i Shehajt:

“Regjimi i Edi Ramës ka gjobitur dhe mbyllur qindra biznese në mënyrë arbitrare dhe selektive. Aksioni kundër gjithë industrisë së turizmit të Vlorës dhe gjithë bregdetit të Jugut, në kulmin e sezonit turistik, është goditje dhe dënim për dhjetra mijëra familje vlonjate dhe gjithë bregut deri në Ksamil.

Është aksion arbitrar dhe kriminal i motivuar vetëm nga interesa personale dhe një kënaqësi perverse e Edi Ramës, për të treguar që është ai Zoti dhe pronari i Shqipërisë e çdo shqiptari.

Evazorët gjigande mamuthë në Shqipëri janë oligarkët e Edi Ramës. Ata nuk paguajnë taksa, fusin mallra propagande, fusIn ushqime, ilaçe dhe mallra të skaduara. Evazorët janë klientët e Edi Ramës që ndërtojnë pallate dhe fshatra turistike me para të pista që u dhurohen ministrave dhe funksionarëve të korruptuar.”-shkruan Shehaj.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...